Matupi in a ra mi council ralkap motor cu an kah doh hna ,ralkap 8 an thi tam nih hliamhma an pu.
==================================================
January 27, 2022
Chinram,Matupi in arak chuah mi council ralkap motor cu Matupi -Mindat lam ah CDF nih an kah doh hna.Ralhrang 8 an thi ,13 nih hliamhma an pu tiah CDF sin in kan theih.
Tu ni January 27 zinglei ah raltuk nak motor pahnih tel in council ralkap motor cu CDF nih an kah doh hna.Council ralkap lei in 2 an thi tiah CDF-Mindat pakhat sin in kan theih .
Council ralkap motor cu Matupi in January 24 ah an chuah.Chanpyan khua hlun pawng ah CDF matupi nih an kah doh hna. Ralkap 1 a thi,3 nih hliamhma an pu.Matupi -Mindat lam meng 80 pawng ah Nizan January 26 sml 9 ah Council ralkap motor an phan in CDF-Matupi nih an doh than hna.Ralkap 5 an thi,10 nih hliamhma an pu tiah CDF- Matupi nih cathanh an chuah.
Council ralkap nih hriamnam ngan in pawngkam an kah .CDF le Mipi lei in hliam tuar mi an um lo tiah theih asi.
Council ralkap motor nih Matupi battalion caah ralkap thazaang tam,eidin le innsak nak thilri pawl an phorh.Cu motor pawl cu ke in a kal mi ralkap pawl nih security an lak piak hna tiah CDM a tuah mi ralbawi Kyaung Thu Win nih Yangon Khit Thit ah a chim.(ref:khit thit media)
