Chin ramkulh Matupi khuapi chung ah umkal (khual tlawn ) a har caah a luancia September thladih thok in thilman a let khat in a kai tiah tualchung mi hna sinin theih a si.
Matupi – Hakha lampi le Matupi – Pakkoku lampi hna ah tualchung hriamtlai phu hna le SAC ralhraang hna karlak ah kahdoh nak a tu le tu a chuak ii lam an phih lengmang caah umkal (khualtlawn ) khawh a si ti lo.cucaah a tu bantuk harnak kan ton hi a si tiah tualchung mi pakhat nih nih Ayeyawaddy Times ah a chim.
Datsi (petrol) gallon (1) ah 10000 kyats in rak cawk a si nain a tu ah cun 15000, sugar 1000 in rak cawk tawn mi zong 2000 an phanh lawng si lo in duh poah in cawk zong a ngah lo ,thil dang dang zong an kai viar hna.
Aluancia August thla chung zong ah ruah faktuk in a sur caah a bik in thilri phurhnak lam ah hman mi Matupi –Hakha lam zong fak ngai in a rawh caah thlakhat tluk eidin arak phan kho lo.
