Mattarar peng le Myinmu peng SAC ralkap mawtaw run bomb an puah hna i ralkap 8 an thi.
=========================================
Mandalay ramthen, Mattarar peng Patale tlang le Kyaukse khua Htone Bho Taw Tite (ထုံဘိုတောတိုက်) kar ah ram run vennak ah a tuah mi SAC ralkap cu nizaan July ni 4, chun suimilam 12:40 ah Naatsoe (မြေအောက်တော်လှန်ရေးအဖွဲ့) nih bomb an puah hnawh hna ii SAC ralkap 5 an thi tiah theih a si.
Thazaang 20 hrawng simi SAC ralkap phu cu Padaytaa bomb(ပဒေသာမိုင်း) pawl in kan kah doh hna tiah Naatsoe(မြေအောက်တော်လှန်ရေးအဖွဲ့) nih cathanh an chuah.
Cun Sagaing ramkulh, Myinmu peng ah SAC ralkap mawtaw 1 cu mipi vengtu ralkap phu nih nizaan July 4, zaan suimilam 9:10 ah Padayta bomb(ပဒေသာမိုင်း) lung 8 in an puah hnawh hna ii SAC mawtaw chung um minung 3 an thi, tam hliam an tuar men lai tiah Moe Nyo Revolution Force (MNRF) nih cathanh an chuah.
SAC ralkap mawtaw cu Nape Kyauu(နပဲကြူးဇရပ်) le Kaan Hpyarr (ကန်ဖျား) dinhnak kar ah Moe Nyo Revolution Force M.N.R.F, Pentagram (ငါးထောင့်ကြယ်), People Revolution Force P.R.F le People’s Guerillas Commando- Myinmu hna nih bomb an puah hnawh hna ii hliam tuarnak um lo in hnu an kir kho tiah theih a si.(Crd:Khit Thit Media)
