Kawlram buainak ruang ah India ram,Manipur state ah ral a zam mi minung 38 cu Manipur cozah nih nizan May 2 ah khan kawlram ah an kuat than hna.
“a ho hmanh thleidannak um loin kawlram in phungning loin a rak lut mi poah cu nizan ah khan a voi khat nak kan kuat cang hna.Manipur state cozah nih phungning loin Manipur ah a rak lut mi hna cu kan kherh hlai cuahmah rih” tiah Manipur Chief Minister N.Biren Singh nih a X ah a taar.
Myanmar ralzam minung 77 cu kuat than ding ah timhlamh an si nain a voi khat nak ah minung 38 an kuat hna hi a si.
SAC nih hram hram in uknak an laak hnu ah India ram chung a zam mi Myanmar mi an tam ngai ngai cang i hi kong ah India cozah pi zong thinphang in a um i ramri kulh ding tiang zong timhlamh nak an ngei.
