Mangliana(Emma) Nih Mindat Ralzam Caah Bawmhnak Kuat Mi Rupee Ting 96.5 Ai Tlik Pi
SAC ralkap ruang ah inn le lo a zaamtak mi Mindat peng chung ralzam mi hna ca ah eidin, sii-ai le hruk-aih bawmhnak ramkip um Mindat bu nih an pekmi, India Rupee sing 96.5, kawlram tangka in sing 2000 mmk leng hlen an tong, tiah theih a si.
Tangka cu Mizoram phanmi NLD MP hlun pa pakhat hnatlak pinak in Kawlram ah a chuak i Aizawl ah a ṭhangmi Mangliana (Emma) sin ah Bank Acount in an kuat, tiah theih a si.
Ramkip ummi hna nih kuat mi Rupee sing 96.5 cu a tlikpi, Ramkip um Mindat bu nih an pekmi tangka cu Bank Acount 3 in 2021 September thla ah an rak kuat cangmi a si, tiah theih a si.
Mangliana a donghnak bik a umnak hi Aizawl, Zarkawt A -31 ah a si i A pa hi Dawn khuami Pu Rolang a si i a nu hi an hngal kho rih lo.
Mangliana cu chuahpi uanu 9 lakah upa bik a si i, a nupi cu Lalinmawii a si ,Kum 3 tluk fanu pakhat an ngei i A hlan ah India-Myanmar ramri ah Kuva(ကွမ်း) an rak zuar, tiah theih a si.
IMCO – International Mindat K’Cho Organization ṭuanvo ngeitu pakhat nih,” ralzam hartong mi hna ca ah eidin le sii-ai kan bawmh khawh hna lo caah harnak an tong. IMCO nih tangka Rupee sing 96.5 a firtu Mangliana a chungkhat sinah Chinmi phung ning tein lak khawh ṭhan kan i zuam lai,” tiah a chim.
2021 September thla zong ah ramkip um Mindat bu, CEA nih an kuatmi Thailand Bat sing 8 leng zong hlen an rak tong bal cang.
