Mandalay Ah Lamkam Cauk Zuarmi Ralhrang Nih An Hrocer Hna, Meithal In Kah An Timh Hna Caah An Tli Dih
Mandalay khuapi, Amara Pura ah tuni, November 17 zing ah lamkam ah Cauk hlun pawl an zuarmi cu ralhrang pawl nih zuar lo dingin an hrocer hna.
Cauk hlun pawl hi cuaikhat ah thonghnih in an zuar caah a cawtu an tam i mibu in an um lio ah ralhrang pawl an rak phan i cauk zuartu cu an zaam dih tiah mithmutu pakhat nihcun a chim.
”Cauk hlun pawl cuaikhat ah thonghnih in kan zuar lai tiah thawng an thanh caah a cawtu kan tam, minung 60 tluk kan si lai, minung 15 hrawnghrang lawng nih an cawk manh.Cuti kan i hngah lio ah ralhrang pawl cu an ra i ”a ho nawl peknak indah nan zuar? Kah nan duh maw” tiah an kan hro caah kan zaam dih i cauk man pe manh lomi hna an um ” tiah ai tel vemi pakhat nih a chim.
Cauk hlun pawl hi minung pakhat lawng nih khamnak ai kham buin a van zuar tiah theih asi. Cauk hlun hi a cuai in zuar caan hi kumkhat voikhat hrawnglawng asi caah a cawtu an tam taktak tawn.
# RFA
