Laykekaw Ah Umhmun Khuarmi Ralhrang Kir Ding Ah KNU Nih Ralrin Pek
Karen National Union (KNU) Doepala Pengkomh, KNU Brigade 6 hmunhma chung ah umhmun khuarmi ralhrang hna cu a hnu bik March 10 ah an umnak hmun i tthial ding ah KNU Brigade 6 nih March 7 ah ralril peknak cathanh a chuah.
2021 December 15 thok in ralhrang nih rallam an rak sial ruang ag Laykekaw khuathar tel in a pawngkam khua tampi hna cu ral an zaam i cu ka hmun ahcun ralhrang hna nih umhmun an khuar zau i mizapi ngeihmi satil le thilri hna cu duh paoh in an soksam hna caah khuami hna cu an khua kir ngam loin tutiang an um.
Cucaah KNU cu mizapi harnak an tonmi le an thilri ngeihchiah a veng himtu ding kan si caah ralhrang hna nih hi ralrin peknak ca kan chuah ni in ni 3 chung ah a rannak in nan kir lai, nan kir duh lo ahcun a hnu i a cangmi thil vialte kong nanmah cung ah mawh phurh a si lai tiah KNU nih ralrin pek hna.
Cu ralrinpek nak cakuat cu Mon State, Mawkanyan khuapi ummi Southeast Commonder sin ah an pek.
