Shan ram chaklei Laukkai SAC Regional Military Command le NamHtingMiShan tlangbo sakhaan in pistol le meithal zun 4,000 leng,hriam ngan kuan hna,hriamngan kahnak le kuanzen relcawk lo laak a si kong theih a si.
A tu cazin um ning ah Laukkai SAC Regional Military Command chung um ralbawi 228,ralkap le rian tuan tu minung 1895 an zapi SAC ralkap minung 2,123 hna i hriamnam a si mi Pistol zun 79, Rifle meithal phunphun zun 1964.SAC RMC chung thiam thiam in a dang ralbawi 80 le ralkap hna i hriamnam pistol zun 30, rifle meithal phunphun zun 750 laak a si.
Cu hnu ah Laukkai khua kahdohnak ah bawm ding in a rak kai mi SAC division 55 in ralbawi 98 ralkap 752 hna i hriam a si mi pistol zun zun 30,rifle meithal phunphun zun 850 telh in hriamnam an laak mi dihlak ah zun 4086 a si tiah theih a si.
Cu bantuk thiam thiam in Laukkaing peng NamHtingMiShan Tlangbo Um SAC Sakhaan in pistol le rifle meithal zun 300 tluk laak a si fawn.
“hriamnam lawngte in zun 4,000 leng an laak,hriamnan kahnak,Army Tank,Howitzer, a run hriamngan kahnak motor zong an laak tiah kan theih. SAC hriam a chia mi hna nih meithal ikal pi a ngah lo i an hriam an chiahtak viar hnu ah an mah minung lawng a himnak ah an kal ter hna” tiah thil sining theitu pakhat nih Khit Thit Media ah a chim.
Hriam nam laak mi vialte thial le kam nak ding caah a tlawm bik nihnih cu a caan pek a hau tiah theih a si.
