Laiza Khuapi Kam Ummi Alanbuan BEHS Ah Covid Hrik Kaimi 600 An Um
KIA Headquarter umnak Laiza khuapi kam ummi Alanbuan Basic Education High School ah Covid zawtnak ngeimi 683 an um tiah cuka sianginn i cachim rianttuantu pakhat niha chim.
Alanbuan Siangsangrun ahhin Cachimtu dihlak le Sianghngakchia dihlak fonh ah 1057 an um i cu chung ah 683 nih Covid an ngeih caah zatuak(%) in 63% tluk zawtnak na ngei.
Covid hrik a ngeimi hnacu a dang tein an erh hna i an thlop hna a herhmi eidin le Sii-ai hna cu Mipi le KIA nih an tawlrel hna tiah The Kachin Net nih ttial.
