Laiza Khuapi Covid-19 Hrik An Chek Tthan Hna
KIA Headquarter umnak Laiza khuapi ah Covid rai a karhtuk caah Khuachung sangkip ah ummi mizapi hna cu an sangchung ah chawhhnawh in November 23 thok in covid an chek tthan hna .
Sangkip ahcun Covid an chek hna i hrik a kaimi paoh Covid centre ah an chiah colh hna, Cun sangkip ah covid hrik kaimi an umlo lawng ah umkal caan ri an khiahmi kan on tthan lai tiah KIA nawl ngeitu Bohmuci Naw Boe nih a chim.
Laiza khuapi cu November 2 khan Lockdawn an chiah hna,a tutiang ah Covid rai khamsii ai chunmi minung 13000 hrawng an si cang i Tuatiang ah covid hrik kaimi 2600 lengkai an si.
