Kyiv Khua Pawng Kahdohnak Ah Russia Ralbawi Ngan Pakhat A Thi Tthan
Russia ralkap nih kulh dih cangmi Ukraine khialipi Kyiv khuapi pawng ah Russia ralbawi ngan pakhat cu Ukraine ralkap pawl nih an kah thah khawh tthan tiah Ukraine ralkap ngiatlai tu nih tuni March 8 ah a chim i tutan hi Russia ralbawi ngan a thimi a pahnih nak si .
Russia No. 41 ralkap i Bohmuchoh Vistali timi pa cu nizaan March 7 kahdohnak ah a thi tiah Ukraine lei ralkap nihcun an thanh nain Russia Defense Ministry lei in lehnak a um rihlo tiah Reuters nih a langh ter.
Russia le Ukraine kahdohnak ah Russia ralkap 11000 leng an thi cang tiah Ukraine nih a thanh nain Russia nihcun 509 hrawng lawng kan ralkap an thi an ti ve: Ukraine ralkap thimi kong ah Russia le Ukraine kaphnih lei in thanhnak an tuah rihlo.
