Kyaukgyi peng ah mipi 2 SAC ralkap nih an tleih hna i an thah hna tiah KNU nih chim,Pinlaibu(ပင်လည်ဘူး) peng ah Shanni phu nih mipi 1 an thah mi ruak an hmuh
Bago ramthen,Kyaukgyi peng ah SAC ralkap nih July 14 Satle(စပ်လဲ) khua cu hriamngan in an kah caah mipi 1 a thi.Thaung Pu(သောင်ပု) khua mi 1 cu SAC ralkap nih an tleih i an thah tiah KNU nih chim.
Battalion-351,battalion 60 le tantiphu pawl nih Kyaukgyi peng ah a um mi Mala Oo(မာလာဦး) gate le Sinma Taung(ဆင်မတောင်) in Satle khua cu July 14 zaanlei sml 2:22 ah hriamngan in an kah caah Saw Shi May-စောရှီးမေ(40) cu a thi i a fa pa Naw Htee Hser Khu-နော်ထီးဆဲခူ(12) le Saw Htee Po-စောထီးဖိုး (thla ruk) cu hliam an hmu tiah theih a si.
July 14 zing 7 hrawng ah SAC ralkap nih Thaung Pu khua um pastor Saw Frinsley(စောဖရက်စလီ) i fapa Saw Labu-စောလာဘူ(27) cu an tleih i an thah tiah theih a si.
July 14 zing 8:38 ah Kyauk Sa Yit(ကျောက်စရစ်) khua bu,Thaung Pu khua pawng ah SAC ralkap battalion-350,battalion-603 le KNU battalion-9 kar kahdohnak a chuak i KNU lei an him, SAC ralkap lei a thi mi le a hliam mi an um nain pa zeizah an si a fiang rih lo.
Nizaan zing 7:50 ah Kyaukgyi peng,(မူသယ်) khua pawng ah SAC ralkap battalion-75 le KNDO kar kahdohnak a chuah i SAC ralbawi 1 a thi i KNDO lei an him tiah KNU nih cathanh a chuah.
Sagaing ramthen,Pinlaibu(ပင်လည်ဘူး) peng,Saiyagyi(ဆိုင်ယာကြီး) khua ah SAC ralkap phu le Shanni (SNA) phu pawl nih an thah mi Ingone(အင်းကုန်း) khua mi Ko Min Naung ruak cu July 14 zing 11 hrawng ah khua mi pawl nih an hmun tiah Kawlin info phu sinin theih a si.
SAC ralkap le Shanni (SNA) phu pawl cu July 10 Saiyagyi khua ah an um lio ah Ko Min Naung cu an tleih i an thah hi a si tiah theih a si.(Crd.Khit Thit Media)
