Rakhine ramthen Kyaukdaw peng chung um SAC sakhaan vialte cu AA nih an laak viar cang i an khuapi cu nihin February 7 ah tlamtling in an laak khawh.ral sungh ruang ah tilawng in a zam mi hna zong AA nih an kah hna caah ti chung ah a pil tiah theih a si.
Nihin February 7 chun ah Kyaukdaw khuapi hrambunh No.9 Operation Command Headquater le LIB 375 hna cu AA nih an laak hnu ah khuapi cu an laak khawh.AA nih an nor hna i ral a sung mi SAC ralhraang hna cu tilawng in an zam i cu hna cu AA nih an kulh hna i an kah hna caah tilawng pahnih cu tiva chung ah a pil.
“Ral a sung i tilawng 3 in a zam mi SAC ralhraang hna cu AA nih kan kulh hna i kan kah hna,cu hna chung ah 2 cu Kaladan tiva chung ah a pil.a tang mi pakhat zongcu tampi aa rawk” tiah AA thawnghram nih Ayeyawaddy times ah a chim.
A luancia January 30 ah khan Kyaukdaw hrambunh SAC LIB 374 battalion,February 2 ah LIB 376 battalion hna cu AA nih an rak laak i nihin February 7 ah SAC LIB 375 sakhaan an laak i khuapi dihlak in an laak hi a si.
Nizan February 6 ah khan Kyaukdaw hrambunh No.9 operation command headquater ah SAC lei nih tilawng 2 in ralkap a rak chap nain lam tantim ah AA nih an kah caah Kyaukdaw phan kho lo in hnu ah an kir than tiah theih a si.
