Myanmar-India chawlehnak ah Special Rupee Vostro Account (SRVA) hmang in Kyat le Rupees direct hman khawh nak phung cu 2024 February thla in thok a si cang lai tiah SAC kuttang central bank president Daw Than Than Shwe nih Juanuary 26 ah a chim.
Kyats le Rupees direct hman khawh nak ding ah Myanmar lei in UAB Bank le CB Bank,India lei in Punjab National Bank hna cu hman an si lai.
India in Myanmar lei ah a bik in kuat a si mi Sii-ai le thilri hna caah pekchanh a herh mi US $ a zor deuh cang lai i phaisa ipek chanh nak ah a fawi deuh pin ah ram khat le ram khat kar pehtlaihnak tha deuh a chuahpi lai tiah a chim.
Myanmar-India chawlehnak hmun cu Tamu um Trade Station hman a si i 2023 April 1 in 2024 January 19 tiang Myanmar in kuat mi US $ 1.889 million a si i India in Myanmar kuat mi hi US $ 0.826 a si.
A tu lio ah cun Myanmar – China ramri chawlehnak ah Kyats le Yuan,Myanmar le Thailand ramri ah Kyats le Baht hna hman cio a si.
