Nihin November 9 chunlai hrawng ah Shan ram chaklei ah a panga nak khuapi laak nak ah Kunlong khuapi cu unau ttangti phu 3 hna nih tlamtling in an laak khawh cang tiah NUG runvennak zung nih a tarlangh.
Chaklei Ttangti phu 3 hna nih Chin Shwe Haw,Moekung,hpawngsai le Namhkam khuapi hna cu an rak laak cang i a tutan Kunlong an laak mi he cu khuapi an laak mi lawngte panga a si cang.
Kunlong khua cu Thanlwin tiva pawng ah a um mi a si i tuluk – Myanmar pehtlaih nak lampi ah a ummi a si i rallei zong ah a biapi taktak mi khua a si tiah theih a si.
Kunlong khuapi laak kahdoh nak cu November 6 khan rak thok a si i nihin November 9 ah tlamtling tein an laak khawh hi a si.
Kokang ralkap MNDAA,Rakhine ralkap AA le TaAung ralkap TNLA ttangti phu 3 hna nih hin 1027 operation an kalpi thok in nihin November 7 tiang zarhhnih chung ah ralhraang hna sakhan a lian he a fa he a zapi ah 160 nak tlawmlo an laak cang tiah theih a si.
