SAC nih 2010 ah a rak tuah mi kum a tling cang mi paoh paoh kum 2 chung ralkap rian tuan ding timi phung cu nihin 2024 February 10 ah a thar in a nun ter than.
Myanmar rammi a si i Pa a si cun kum 18 le kum 35 kar,Nu an si cun kum 18 le kum 27 kar a si mi paoh paoh cu ralkap rian ah luh hrim hrim a si lai kong SAC thawngzamhnak a si mi MWD in February 10 zan ah an phuan.
Kum a tling cang mi paoh paoh ralkap rian luh ding timi cu kum 2 chung a si nain,rampi a him rih lo ah cun kum 5 tiang rian tuan a si lai kong an phuan.
Ralkap rian luh ding a tlolh mi hna cu kum 5 thong thlak an si lai tiah an upadi ah aa tel i a luancia 2023 chung khan hi rian hi a kal pi lai kong SAC lei nih an rak phuan cang.
