Shan ram chaklei Laukkaing Regional Military Command kuttang Konkyan khuapi hrambunh IB 125 battalion in SAC ralkap hna cu an battalion ning in puan rang thlai in MNDAA sin ah hriam an chiah tiah MNDAA in chimphuannak nawl ngei tu Li Kyia Win nih a chim.
Nizan November 28 ah khan a tu bantu in hriam an chiah hi a si i hi battalion chung ah minung zeizat dah an um timi le hriamnam zeizat dah kan laak khawh timi cu MNDAA nih kan tawlrel cuahmah i caan rau lo ah phung ning tein kan thanh te lai tiah a chim.
SAC ralhraang hna battalion ningin hriam an chiah hi a tutan he cun a voi hnih nak a si cang.a luancia November 12 lio ah Laukkaing RMC kuttang IB 129 in ralkap bawi hna telh in ralkap 126 le an chungkhar 134 an zapi fonh 262 nih an hriam an rak chiah cang.
