Shan ramkulh Kokang hmunram chung SAC ralhraang le MNDAA Kokang phu karlak ah October 14 ah kahdohnak a chuak i SAC ralhraang (16) an thih leng ah (7) hliam an tuar tiah MNDAA thawng a tial tawn tu The Kokang Media nih October 15 nihin ah a tial.
October 14 chun ah Ralhraang battalion (335) in thazaang 30 tluk nih khuami pakhat cu lam hmuhsak tu ah an hruai i MNDAA riahbuk lei ah an kal i riahbuk an phak lai metre 5 tluk aa duh ah kaphnih kar kahdoh nak a chuah hi a si.The Kokang media nih a langhter mi muicawl chung ah ralhraang a thi mi minung 7 tluk zong hmuh khawh an si.
Kahdoh nak a dih in MNDAA nih Rifle zun (10) ,60mm bomb kahnak (1),kuanbawm(14 ), Kuan (218 le a dang dang pehtlaih nak thilri hna an laak tiah an langhter chih.
