Shan ramkulh,KoeKant hmunram i a rakchuak mi kahdoh nak ah SAC ralhraang 12 an thi i hriamnam le rithhaisi cheukhat kan laak tiah MNDAA nih nihin ah an thanh.
Koekant District,Shinwom hmunram sianginn ah hmun a khuarmi ralhraang hna cu MNDAA nih October 21,zanlei slm 1:43 tluk ah luhhnawh in an kah hna caah ralhraang lei minung 8 an thi i Drone 2 le Motor 4 hrawh piak an si.cu kahdoh nak ah MNDAA lei nih kuankham angki zun 1,Kuan bawm 3 le Kuan 60 an laak tiah theih a si.
Cu ni thiamthiam zanlei slm 2:05 tluk ah NamKhungHaw le Shipatlin khua um ralhraang le Pyusawhtee an zapi thazaang 100 tluk nih hriamngan kah pah in MNDAA sakhan lei ah ralhmai an nor caah kaphnih kar suimilam (3) chung kahdohnak fakpin a chuak than. Cu kahdohnak ah ralhraang 3 an thi chap.
Kahdoh nak adih hnu October 24 ah MNDAA nih hmunhma thenhhlimh nak an va tuah tik ah hriam cheukhat,Rithaisii bawmli le KoeKant PyiThusit ruak pakhat hna an va hmuh.
