KIA hruainak in tualchung hriamtlai phu tampi ibawm in tuahcuahmah mi Sagaing ramthen operation ah ralhraang sakhaan 18 laak a si tiah KIA lei thawnghram sin in theih a si.KIA,AA, PDF hna le kan Chin ralkap zong telh in tualchung hriamtlai phu tampi nih November 3 ah hmakhat teah raltuknak an tuah hi a si.
NUG cozah,ramkulh palai a si mi Dr.Htu Khong nih KIA hruainak in November 3 ah Kalay peng chung ah ralhraang sakhan 6,palek sakhan 4,Tamu peng um ralhraang le palek sakhan 4, Ayadaw sakhan,Kanbalu sakhan,Kawlin sakhan le YanGyiAung sakhan hna cu an laak khawh tiah nizan ah a mah social media cahmai ah a taar.Dr.Htu Khong taar mi kong ah tuzing November 4 zinglei ah KIA thawnghram lei in an fehter mi a si.
Yazagyu khua pawng a ummi ralhraang thonginn pi 1 le 2 zong laak a si i 2 an laak hmasat hnu ah 1 i a ummi palek minung 20 cu hriam an chiah caah thongin 1 zong laak chih a si.
