Shan ram chaklei Muse peng Tima khuapawng KIA brigade 6 sakhan cu SAC nih Jet Fighter in bomb a thlak caah KIA ralbawi telh in minung 5 nak tlawmlo nunnak a liam tiah theih a si.
October 19 ah Wingla tlangcung um mi SAC nih biapi ngai ah an chiah mi sakhan cu KIA brigade 6 kuttang battalion 36 hna nih an doh i an laak.October 20 zanlei slm 2:30 tluk in zaan slm 9:00 tiang Tima khua pawng ah hram a bun mi KIA brigade 6 sakhan cu SAC nih Jet Fighter in voi 8 leng bomb a thlak caah KIA ralbawi telh in minung 5 nak tlawm lo nunnak liam.
“SAC Jet fighter nih zaanlei sang bomb a thlak nak ah KIA brigade 6 in an bawi zik,Ralbawi dang le ralkap hna tiin minung 5 nunnak a liam i hliam tuar zong an tam,Zaan slm 8:00 tluk in a rak thlak than caah a thi le hliam an um chap nain phone line hna a that lo caah a zat fiang in kan thei kho rih lo tiah” KIA thawnghram nih Kachin News Group ah a chim.
