KhinOO Peng,NgatinGyi khua ah council ralhrang nih mei an duah inn 500 leng a kangh,Mipi 30 hrawng an tlaih hna.
April 4, 2022
Sagiang ram ,Khin Oo khua chung NgaitinGyi khua council ralhrang phu nih April 3 ah an luh hnawh hna ii mei an duah ruang ah Inn 500 peng a kangh ,Nu tel in mipi 30 hrawng an tlaih hna tiah Yangin Khit Thit media nih a chim.
“Khua chung ah an lut bak in Khua thlanglei le chaklei pawl cu an khar dih.An khar hnu ah thlanglei in mei an duah.An dih hnu ah khua Cheklei cu mei an duah than.Ralkap pawl cu khua cheklei သမိုင်းသစ် sianginn ah hmunhma an la.Inn 800 chung in Inn 600 hrawng mei a kangh cang.A tu tiang zong akang rih ko ” tiah khuami pakhat nih a chim.
Council ralhrang nih Thazaang 100 hrawng in NgaiTinGyi khua ah an lut .an Rak lut in a tlil hman lo mi nu pawl tel in mipi 30 hrawng cu an tlaih hna ii an vel hna.
Ralhrang nih hmunhma an lak nak Puangki sianginn chung ah an tlaih hna tiah Khuami pakhat sin in theih asi.
Cun council ralhrang pawl cu a tu an lut nak ngaitingyi khua telin March 30 ah KalaKu,Sha Lwin,Pebin Kone,Thanaung Kaing Gyi,Min Wun Sai Kwin cu khua chung pawl ah an lut ii mei an duah.Khuami pawl himnak hmuh ah an zaam hna tiah theih asi.
