KhinOo Peng Myo Thit Kahdohnak Ah PDF 14 An Nunnak Liam
Nizaan , Febuary 17 Sagaing ramtthen, Khin Oo peng, Myothit kahdohnak ah PDF 14 an nunnak a liam tiah PDF ralkap pakhat nih a chim.
Kahdohnak hi suimilam 4 chung hrawng a rau i ralhrang nih hriamngan zuun 40 hrawng in an kan kah, Ralhrang pawl rallam sial in rammi he kan i kah hi a si ii an thazang a tam deuh, an hriam zong a tthat deuh caah an kan tei, a nunnak liammi PDF ralkap hna hi kum 15/ 18 le 19 rual hrawng an si hna, Kum 15 minung hna an i telmi hi cu an inn an khangh piak hna caah an lungfah celh loin kan sin ah a rami an si, an ruak cu nizaan ahkhan kan khangh vui colh hna tiah PDF pakhat nih a chim.
Tuni, zong ah Pyusawtthi le ralhrang thazaang 80 tluk hna cu Khin Oo khuapi chung sangkip ah chekhlatnak an tuah i an tlaihmi hna zong an um i an hrem hna pin ah khuate kip ah an i chok rih tiah theih asi.
