Khin Oo,Tarwarti,Monhla khua le Pinsein khin khua cu kahdohnak um lo bu in SAC ralkap nih vanlawng in an kah hna
Sagaing ramthen,Khin Oo nitlakchaklei kam,Tarwatti khua,Monhla khua le Pinsein khin khua cu SAC ralkap nih vanlawng in July 18 zing 10 hrawng ah an kah hna tiah khuami sinin theih a si.
SAC ralkap nih July 17 ah Ye Oo lei in thazaang 100 leng Tarwatti lei ah an lut i phunki pawl um nak ah zaan an riak.July 18 zinglei ah khua i chaklei kap cu hriamngan 10 leng in an kah.Kahdohnak zong a um lo, zei ruang ah dah an kah zong kan thei lo.An kah dih tlawmpal ah vanlawng 3 in an kan kah hi a si.A tli mi he a thup mi he an um tiah khua mi pakhat nih a chim.
July 14 ah Depeyin peng nichuah lei kap Namyaar(နများ) khua cu SAC ralkap nih vanlawng hmang in an kah hna caah mipi 1 a hmun ah a nunnak a liam colh i hliam 2 nih an hmu.Hliam a hmu mi chung in 1 zong a nunnak a liam than tiah theih a si.
Vanlawng in kahnak a tong mi Tarwatti khua,Monhla khua,le Pinsein khin khua i a um mi khuami cu zei dah an lawh timi a fiang rih lo tiah khua mi pakhat nih chim.(Crd.Khit Thit Media)
