Sagaing ramthen,Tamu peng,Khampat khua cu tualchung hriamtlai ttangti phu hna nih nihin November 7 zinglei sang ah tlamtling in an laak khawh cang tiah theih a si i Tamu PDF nih a fehter.
Kamphat khua laak kahdohnak cu November 3 khan rak thok a si i cu ni lila ah palek sakhan le Witot sakhaan cu laak a rak si cang i nihin November 7 ah a tang mi ralhraang sakhan an laak khawh hi a si.
“Ralhraang sakhaan a tang mi kan laak ti mi hi a hman mi si ko,a tu cu khampat khuapi dihlak kan laak ti khawh a si ko,November 3 ah kan thok i tuzing ah tlamtling in kan laak khawh” tiah PDF Tamu in chimphuan nak nawl ngeitu nih zalen ah a chim.
Kahdohnak chung hna ah ralhraang nih vanlei in kahdoh nak a tuah lengmang tiah tualchung mi hna sin in theih a si i,kahdoh nak chung ah ralhraang a thi zat le tualchung hriamtlai lei a thi zat fiang in theih a si rih lo.
Khampat khuachung no.1 le no.2 sang i a ummi tualchung mizapi minung 3,000 tluk cu ral tih ah an zaam hna tiah theih a si.
