Chin ramkulh,Tedimpeng um Kennedy Tlang cung um SAC ralhraang sakhaan cu Chin ralkap PDF Zoland nih Nihin zinglei slm 6:00 tluk ah tlam tling tein kan laak khawh tiah PDF Zoland in rian ngeitu pakhat nih Zalen ah a chim.
Thazaang 30 tluk a um mi Kennedy tlangcung SAC ralhraang sakhaan cu PDF Zoland nih Nihin November 21 zinglei slm 4 tluk in kah hram an thok i slm 2 a rauh hnu zinglei slm 6:00 tluk ah tlam tling tein an laak khawh hi a si.
“Kennedy tlangpi hi Chin ramkulh chaklei tlang ah a sang bik a si i tlangpar in kalaymyo le Falam hna tel in khua tampi a lang kho,SAC hna caah a biapi ngai mi sakhaan pakhat a si caah kan va laak mi a si” tiah a chim.
Cu ralhraang sakhaan in ralhraang 10 leng cu an sakhaan chuahtak in an zam hna i PDF Zoland nih an dawi than hna caah micheu cu an tlaih khawh than hna i ralhraang a thi mi ruak 5 zong kan hmuh hna i kan mah PDF Zoland in ralkap pakhat hliam a tuar ve tiah PDF zoland in rian ngei tu nih cun Zalen ah a chim chap.
