Sagaing ramthen,Kawlin khua pawngkam kahdohnak ah SAC ralhraang 8 an thih leng ah hriamnam zeimaw an laak kong le PDF 1 nih ram le miphun caah nunnak a pek ve kong Kawlin district mizapi ralkap No.1 battalion nih an thanh.
Nizan April 21 zinglei slm 5:30 tluk ah Kawlin khua in a rak chuak mi SAC ralhraang thazaang 80 tluk le tualchung hriamtlai hna karlak ah kahdohnak a chuah hi a si i SAC lei nih Drone le Howitzer hriampi hna hmangin chun nitlak kah an bawmh hna.Cutin SAC lei an tuar a fah caah chun slm 12 tluk ah Kawlin khuachung um ralhraang 80 tluk an rak kai chap i kaphnih kar kahdohnak pehtlai in a chuak than.
April 21 zanlei slm 6:30 tluk ah SAC hliam tuar hna cu laang in an zawnh hna i Kawlin khua lei ah an kir pi than hna.hliam tuar mi SAC ralhraang hi minung 20 nak tlawmlo an si. Cu hnu ah dothlennak ralkap hna nih hmunhma an va thenhhlimh i SAC ralhraang ruak 8 ,hriamnam le kuanzen zeimaw an laak khawh tiah theih a si.
Hi kahdohnak ah hin Kawlin district mizapi ralkap No.1 battalion in minung 1 nih ram le miphun caah nunnak a pek i 3 nih hliam an tuar ve tiah theih a si.
