Karenni ramkulh,Hpasaung peng ah nihin May 6 ah SAC raltuknak helicopter pakhat cu Karenni National People’s Liberation Front – KNPLF nih tla lak in an kah khawh caah a chung cuang SAC Major 2 telh in 7 an thi i 2 hliam an tuar tiah theih a si.
Nihin May 6,zinglei slm 11:45 tluk ah SAC raltuknak helicopter pakhat cu KNPLF ralkap hna nih Point 8 meithal zun 2 in an kah hi a si i Bawlakhe peng chung ah a va tla.
Cutin SAC helicopter kah thlak mi ah SAC major 2,Pilot 1 le minung 4 tiin an zapi minung 7 an thi i 2 cu hliam an tuar.
Nihin an kah thlak mi helicopter hi MI 2 raltuknak vanlawng a si i Poland ram siam a si. Achung ah minung 8 – 10 kar a phur kho mi a si.
