Myanmar chung hmunkip ah mizapi hna bomb a thla i minung tampi nunnak a that tu SAC jet fighter mawngtu col.Khaing Thant Moe cu Karenni caan karlak ukhruaitu phu nih (IEC) nih dan kan tat lai an ti bantuk in NUG zong nih ramchung le ramleng zulhphung ning tein dantat nak kan pek lai tiah an chim.
A luancia November 11 Karenni hmunram kahdoh nak ah Karenni ttangti phu hna nih an rak kah thlak mi SAC jet fighter pakhat in a mawng tu col.Khaing Thant Moe le Zarni Maung hna chung in col.Khaing Thant Moe cu November 19 ah Karenni ram le Kayin ramri hmun pakhat ah Karenni ralakp nih an rak tlaih.
A tutan tlaih a tong mi col.Khaing Thant Moe cu sualnak ngei lo mizapi tampi nunnak a that tu a si bantuk in a herh ning in dan tat nak pek hrim a herh bantuk in vanlawng mawng Zarni Maung zong tlaih khawh nak ding in hlathlai nak tuah cuahmah a si tiah NUG president zung in U Kyaw Zin nih Khit Thit media ah a chim.
