Karen ramkulh,Hpapun,Myawaddy le Tinkan-Ngyinaung sakhaan kahdohnak hna telhin April thla chung kahdohnak ah SAC ralhraang minung 430 an thi i dothlennak ralkap lei in minung 32 nih ram le miphun caah nunnak an pek ve.
Karen ramkulh,KNU brigade 5,Hpapun district chung,Brigade 6, Dupalaya district chung a um mi SAC sakhaan hna cu Karen National Liberation Army – KNLA,Force For Federal Democracy (FFD), BPLA le ttangti phu hna nih an tuk hna hi a si.
April thla chung khuapi laak kahdohnak ah Hpapun khuapi an laak i Tingan-Nyinaung um SAC LIB 355,LIB 357,LIB 356 sakhaan hna le byuha sakhaan hna zong an tuk i an laak khawh.sakhaan laak kahdohnak voi 5 tuah a si i April thla chung ah SAC he kahdohnak voi 71 tiang a chuak tiah theih a si.
SAC hmunkhuar nak sakhaan hna le rallam a sial mi pawl drone in bomb thlak hnawh nak voi 336,Hriampi in kah nak voi 11,Sniper hmangin kahdohnak voi 13,bomb in puah hnawhnak voi 15,SAC lei ttang pawl fimhlawm nak voi 7 tiin April thla chung ah kahdohnak kalpi a si.
Cutin April thla chung kahdohnak hna ah SAC ralhraang 430 an thih leng ah 241 hliam an tuar i minung 57 cu a nungin tlaih an si hna.SAC sinin hriamnam le kuanzen tampi zong dothlennak ralkap hna nih an laak fawn.
Cuchung ah dothlennak ralkap ttangti phu hna lei in minung 42 nunnak a liam ve i minung 134 nih hliam an tuar.kahdohnak chung SAC nih vanlei le hriampi kah ruang ah tualchungmi 4 nunnak a liam ve i 30 nih hliam an tuar ve.
