Chin ramkulh Kanpetlet peng,Taikne 5 hmun Magya khua Auhsuh Lung Bauh khua ramri pawng ah tualchungmi hna motor 2 in khual an tlawn cuahmah lio ah min theih lo mi hriamtlai hna nih an kah hna caah motor khaltu pa a hmun ah a nunnak liam colh tiah January 28 Nihin zinglei ah thawng an thanh.
Kanpetlet peng chung ah mizapi umkal ralrin ding in le thil pakhat khat a can tik ah CDF-Kanpetlet sin ah a rannak in thawng thanh ding in thawng thanhnak an tuah chih.
CDF-Kanpetlet nih cun tualchung mizapi a harnak a pe mi tuahsarhnak cu kan duhlo i a tu bantuk thil a tuah mi hna cu tha tein hlathlai cuahmah a si,hi kong ah rian ngeitu hna cu a herh ningin dan tat nak kan tuah hna lai tiah CDF-Kanpetlet nih thawng an thanh hi a si.
