Chin Ramkulh, thlanglei Laitlang Kanpetlet Peng chung 2021 September 15 zing suimilaam 7:00 tluk ah SAC mithat phu le CDF Kanpetlet karlak ah kahdohnak a chuak i, khuami hna a himnak hmun ah an zaam tiah khuami hna sin in thawng kan theih.
Nizaan September 14 zong ahkhan kanpelet ah kahdohnak a chuak cang. A dai rua lai tiah tuzing September 15 zong ah a chuak than tik ah khuami hna thinphang thlalau in kan um. Kahdohnak hi zualhma lei a panh deuh ca ah khuami a tam deuh cu kan zaam dih tiah khua mi pakhat nih Mizzima ah achim.
2021 September 14 ni kahdohnak ruang ah SAC mithat phua lei minung 10 an thih lawng si loin minung tampi fak ngai in hliam an tuar tiah CDF Kanpetlet nih an official Facebook page ah an thanh. CDF lei in hliam a tuar mi le a nunnak a liammi cu an um lo tiah theih a si.
#Mizzima
