Kani Peng Ah PDF Fonh Nih Ralhrang 20 An Thah Hna
May 18 zingka suimilam 6:30am hrawng ah ralhrang pawl cu PDF fonh nih voi hnih mine bomb an puah hnawh hna i minung 20 nak tlawmlo an thi tiah KLG PDF nih an langhter.
Sagaing remtthen thlanglei ah um mi Yinmarpin pengkomh Kany khuapi pengah ralhrang pawl voihnih bomb puahhnawh an si. Mipi ralkap fonh KLG PDF, M&K the Boy, People Defence Army Yinmarbin (PDA) le local PDF nih mine bomb an puah hnawh hna hnu ah hriamngan le meithal he an kah chap hna. Hi kahdohnak ahcun ralhrang a tlawmbik minung 10 an thi lai tiah KLG PDF nih an langhter.
Cu hnu ah a fak deuh mi ralhrang pawl nih cun khuate pakhat an duah, khua a duah tu pawl rak chuah nak ding lam in mine bomb he an rak bawh hna i an rak kah tthan hna. Cu ahcun ralhrang a tlawmbik 10 an thi than tiah an langhter.
