Kani-Minkin khua Chindwin tiva kahdohnak ah SAC ralkap lei a thi mi an um
Sagaing ramthen,Kani-Minkin peng Chindwin tiva ah Mongwar lei in a rak kai mi SAC ralkap tilawng le dohthlannak phu kar kahdohnak a chuak tiah theih a si.
Tuni July 25 zing sml 7 hrawng ah Minkin khua a chak lei ah Nway Oo dohthlannak phu, Mahura Dragon PDF phu le SAC ralkap kar kahdohnak a chuak i sml 11 tiang kahdohnak a dih rih lo tiah Minkin peng PDF phu sinin theih a si.
Cu kahdohnak ah cun SAC ralkap 3 hrawng an thi i an tilawng zong a rawk mi a um caah Minkin khua tawk tupi khua hnu lei ah a din tiah theih a si.
Minkin PDF pakhat nih “zing sml 7 hrawng in a thawk.A ra mi hi an thazaang a tam ngai.Hriam kan ngeih raung ah kan kah hi a si lo.Sniper hrawng lawng in kan kah hna.Khuami pawl zong an tli, SAC ralkap nih hriamngan in a kan kah caah” tiin a chim.
Zen le rawl a phor mi cu SAC ralkap tilawng cu nizaan ah Kani in a thawh i a rak i thawh bak in mipi vengtu pawl he kaphnih kahdohnak a chuak tiah theih a si.(Crd.The Irrawaddy-Burmese Edition)
