Kanhpalu Peng, SAC Ralkap Nih An Kah Mi Hriamnam Ruang Ah Ngakchia Pakhat A Thi.
=====================================================
Sagaing Ramkulh,Kanhpalu Peng Mitalinkone Khua ah kum 5 ngakchia Mg Aung Min Myat cu September 17 ah meithal kuan nih a taang ah a ken i a thi tiah theih a si.
“Chakkone khua chung ah umhmun a khuar mi SAC Ralkap nih an kah mi hriamnam ruangah Mitalinkone khua ii kum 5 Hngakchia cu a taang ah a ken ii a thi.Hriamnam hme nih a ken” tiah khuami pakhat nih a chim.
Kahdohnak um lo in SAC Ralkap nih hriam ngan hriam hme pawl hen Mitilinekone khua chung ah a ruang um lo in an kah tiah theih a si.
September 15 zong ah SAC Ralkap an kah mi hriamnam ruang ah Mitalinkone khua Kum 13 si mi Mg Kyaw Hein tel in tualchung mi 2 meithal nih a ken hna i hliam an tuar tiah theih asi.
Khuachung ah hriamngan, hriamhme pawl hen an kah mi SAC ralkap pawl cu Brigade 99 kuttang Kah-Mah-Yah 113 battalion an si i thazaang 80 hrawng an um tiah a chim.
