Sagaing ramthen,Kanbalu peng Ma-Le khuate SAC sakhaan laak kahdohnak ah SAC ralhraang 6 an thi i meithal zun 14 le a dang raltuknak thilri phunphun an laak.PDF lei in minung 10 le tualchungmi 1 nunnak a liam ve.
May 7 ah khan Kanbalu peng Ma-le khuate hrambunh SAC le Pyusawhtee ttangti in hmun an khuarnak sakhaan cu Kanbalu peng battalion 2 le 3, Shwebo district battalion 3 le No 510 battalion hna nih an tuk hna hi a si i Kanbalu PKP le Khin Oo peng PKP hna nih thilri chanh le ralhraang bawmh ding a rak kai mi an rak kham piak hna.
Kahdohnak chung ah PDF ttangti hna nih SAC sinin meithal zun 14,kuan phun phun 700, kuan bawm 11,kut cheh bomb lung 1, Inaka lung 6,Jammer 1,Equipment 4,Uniform 3 hna an laak.
Kahdohnak chung ah SAC ralhraang nih hriampi zun 60 leng, Vanlei in kahdohnak voi 14 leng, Y 12 raltuknak helicopter in bomb lung 60 leng a thlak leng ah Tabeihgyin lei in SAC ralhraang thazaang 70 tluk nih tilawng in kahdohnak an rak bawmmh hna caah PDF ttangti lei in 10 le tualchungmi 1 nunnak a liam leng ah minung 17 hliam an tuar tiah theih a si.
