Kan Ram Ah Covid Rai A Thiang Tiah N. Korea Cozah Nih A Thanh Nain Ramchung Mipi Covid In An Thi Tthiam
N. Korea cozah kan ramchung ah Covid rai a thiang cikcek tiah vawlei theih in thawng a thanh ko nain lih a si Covid zawmi an um tungko tiah N. Korea mipi hna nih an chim.
“N. Korea ah Covid hrik a ngeimi 10 cu siizung ah an kalpi hna i an thih hnu ah zawtnak dang in a thimi bantuk in N. Korea cozah nih a thanh” tiah RFA nih a N. Korea ramchung thawngpang chirhchan in a ttial.
N. Korea thawng ttialtu (Min langhter) lomi nihcun ”An 10 ning te’n Covid ansi i an am cuap a phing i an thi tiah a thanh ko nain Cozah tu nihcun Covid rai si loin Vitiemin an chanbau i an der thawm caah an thi tiah a thanh ve.
A thimi ruak cu a rianrannak in mei in an khangh i an ruak an hloh colh tisi. Zei ruang ah an ramchung Covid rai umko mi Vawlei pi theih in Covid in kan thiang anti duhnak a ruang bel hngalh asi lo.
Covid rai chuahka ah N. Korea ram cu an ramchung Covid luhlo nakhnga Ramri vialte a rak phihkhar dih bal.
