Sagaing ramthen,Kalay peng Kantharyar khua lei ah ralhmai a nor mi thazang 80 tluk SAC ralhraang hna cu dothlennak ralkap hna nih nizan March 10 ah an kah hna caah SAC ralkap ruak 3 char a si i meithal zun 24 le kuanzen hna laak a si.
Kahdohnak chung ah SAC ralkap ruak 3,Meithal zun 24,kuan phunphun 1200,lamsialtu bomb lung 2 le kuan bawm 24 laak a si tiah NUG No.1 Military Region nih Nihin Marh 11 zanlei sang ah a thanh hi a si.
“Kantharyar khua um SAC ralhraang hna cu a luancia February thla ah khan kan rak thio hna i a tu ah hmun khuar an duh than caah an rak kai hnawh than a si” tiah PDF pakhat nih People’s Spring ah a chim.
A tu tan SAC ralhraang Kantharyar lei a rak kai mi hna cu Kalay District PDF phukomh hna,District Drone phu hna, RKDF,HNB,S2UG,EFDF,TCDF, Daung Tway Raza,GRF,Kalay Peng Pakhapah phukomh hna nih an tuk hna hi a si.
