Sagaing ramthen Kalay University ah hmun a khuar mi SAC ralhraang hna kuttang palek minung 2 hna cu nihin January 14 zinglei sang ah UG Kalay phu nih an tlaih hna tiah theih a si.
Palek minung 2 hna cu civil thuam ihruk in Kalay University chung in an van chuah hnu ah University pawngkam hrawng ah UG Kalay phu nih an tlaih hna hi a si.
“Civil thuam in thawng hlat ding phun in leng an van chuah zawn ah kan tlaih hna.sii an rip pah, an pahnih in mino tete an si” tiah UG Kalay chungtel pakhat nih Zalen ah a chim.
Uknak laak a si 2021 hnu in Kalay University cu ralhraang nih hmun an khuar Chin ram hmun cheukhat le Kalay pawngkam kahdohnak a um poh ah cuka cun hriam ngan kah an bawmh tawn hna. Atu ah zapi ralkap nih Taingen sakhaan an kah cuahmah lio asi i cu zong ah hriamngan kah an bawmh cuahmah nak hmun a si.
