Kalay- Rih Karlak Mawtaw Man Lethnih In Kai
Kalay in India ramri Rih lei ah a kalmi thilphur le khialtlawng phurmi mawtaw hns cu SAC ralkap nih hmun 3 in gate an i ser i a hleihluat tuk in phaisa an hal tiahbtheih asi.
Kalay le Rih karlak ah thilphur mawtaw a khaltu pakhat nihcun ” Facang kan phurh a si ahcun facang bag khat ah thongkhat in an kan lak i, Mawtaw pakhat ah tingkhat tluk an kan lak, Mehhang le a dang si ahcun thong 60 hrawng an kan lak” tiah a chim. SAC ralkap pawl nihhin meng 8, Khaikam, le Taingen tiin hmun 3 in gate an i ser hna i Khualtlawng phurtu mawtaw hna cu meng 8 gate ah thong 10 , Khaikam gate ah thong 10 le Taingen ah thong 5 tiin phaisa an hal hna.
Khualtlawng phurtu mawtaw khal pakhat nihcun ”a hlan ahcun thong 5 lawng an rak lak tawn, tu cu anmah bak nih thong 10 tiah an kan hal” tiin a chim .
Cu caah Kalay-Rih karlak cu mawtaw citman a kai tuk i Kalay in Rih lei kai ah minung pakhat thong 40 an lak i Rih in Kalay lei ttum ah thong 70 an lak hna.
