Kalay peng,Lay Eain Suh khua cu SAC ralkap nih mei an khangh,Lothlo pahinh an thah hna
Sagaing ramthen,Kalay peng nitlaklei kap ah a um mi Lay Eain Suh khua cu SAC ralkap nih mei an khangh i lei ah rian a tuan mi khuami 2 cu an thah hna tiah thawng theih a si.
August 16 zing Kalay peng nitlaklei kap ah a um mi Guerrilla phu sakhaan pakhatcu SAC ralkap nih an va doh hna hnu ah cu pawng ah a um mi lei rian tuan mi lothlo 2 cu an tlaih hna i an thah hna.Cun Lay Eain Suh khua chung ah an lut i mei an khangh tiah Kalay mipi vengtu phu Ko Ei Soe nih a chim.
“Kalay Technology sianghleirun ah a um mi SAC ralkap nih August 16 ah kan sakhaan pakhat cu an doh.Cu ka cun kahdohnak a chuak i SAC ralkap nih kut tuah meithel a cheu khat an lak hna.Cu ka ah a um mi guerrilla phu pawl cu an him.Sakhaan cu a hrawh i cu sakhaan pawng i lothlo 2 zong an thah hna” tiah a chim.
An thah mi khuami 2 cu Lay Eain Suh khuami U Phoe Ni(64) le a tu pa a si mi Ko Aung Htay Win(23) hi an si.An ruak cung ah meithel in hlaimnak hma hmuh a si i khuami pawl nih an vui hna tiah theih a si.(Crd.The Irrawaddy-Burmese Edition)
