Kalay peng thlanglei ah kahdohnak fak a chuak i kaphnih khawndennak a um
Sagaing ramthen,Kalay peng thalnglei ah a um mi Technology sianghleirun thlanglei Thayarkone khua pawng ah a luan cia August 2 in thok in SAC ralkap le mipi vengtu phu fonh kar kahdohnak fak a chuak i kaphnih khawndennak a um tiah Kalay-PDF nih cathanh an chuah.
Cu kahdohnak ah cun SAC ralkap lei nih hriamngan in an kah leng in Thayarkone khua chung inn pawl zong an khangh tiah khua mi nih an chim.
Cu kahdohnak chung August 3 ah Kalay-PDF ralkap 1 a nunnak a liam.August 4 kahdohnak ah ပကဖ ralkap 2 an nunnak a liam i mipi vengtu phu lei in minung 17 hliam an hmu tiah Kalay-PDF nih cathanh an chuah.
Cun August 3 in 4 zaanlei tiang kahdohnak chung ah SAC ralkap 15 leng an thi i Kalay peng chaklei,Tamu in Kalay lei a ra mi SAC ralkap mawtaw cu bomb an puah hna i SAC ralkap 20 an thi tiah Kalay-PDF nih cathanhnak ah an langhter.
Kalay peng chaklei le thlanglei pawl ah kahdohnak a fah ban tuk in Kalay khua chung, nizaan August 4 zong ah a puah thawng pawl theih a si i tuni August 5 zinglei zong ah Kalay nitlaklei sang ah hriamngan in kah thawng pehthlaihmah tein kan theih tiah khua mi nih an chim.
A tu lio Kalay peng chung kahdohnak thil umtuning ruang ah Kalay peng thlanglei kap cu kal rih hlah uh tiah Kalay-PDF nih cathanh an chuah.(Crd.BBC Burmese)
