Kalay peng Thayarkone khua kahdohnak ah PDF-Kalay ralkap 1 a nunnak a liam
Kalay peng thlanglei Thayarkone khua pawng ah August 3 ah SAC ralkap le mipi vengtu phu kar kahdohnak a chuak i hriamngan nih a khen ruang ah PDF-Kalay battalion-6 i ralkap Wei Min Thaw(19) cu a nunnak a liam tiah theih a si.
Nizaan kahdohnak ah mipi vengtu phu lei in ralkap 3 cu hliam an hmu i SAC ralkap lei zong tam an thi tiah theih a si.
PDF-Kalay battalion-6 hruaitu pakhat nih “A tu nunnak a liam mi hi uu nau 2 te long an si.A uu hi sii lei ralkap ah a um i a nau hi hriam a tlai.A tu kahdohnak ah a nau a nunnak a liam ah hin a uu hi zei tluk in dah a ngeih chiat lai.A nunnak a liam mi Wei Min Thaw hi kum 19 long si rih.Sianginn kai ding thi long a si rih.Sianginn kai ding mi thi long a si nain a hmannak lei tang in raldohnak ah a nunnak a pek”tiah a chim.
Tuni August 4 zong ah Kalay peng tlanglei ,Kalay-Technology pawng , Thayarkone khua pawng ah SAC ralkap le PDF-Kalay,ပ.က.ဖ (Kalay),CNDF,CDF-KKG le RKDF phu fonh kar kahdohnak a fak.SAC ralkap le mipi vengtu phu pawl hi August 2 in thok in tuni tiang Thayarkone pawng ah kahdohnak a fak i Thayarkone khuami 1 zong SAC ralkap nih an tlaih i an thah.
Cu caah Thayarkone khua le a pawng kam khua um mi khua mi pawl zong himnak hmun ah an tli cio.Thayarkone khua hi Kalay-Gangaw mawtaw lam ah a um mi a si i Kalay in meng 6 long a hlatnak hmun a si.(Crd.Zalen)
