Kalay peng Technology sianghleirun pawng ah kahdohnak a chuak
Sagaing ramthen,Kalay peng ,Thayarkone khua chaklei Technology sianghleirun pawng ah nizaan zinglei ah SAC ralkap le mipi vengtu phu kar kahdohnak fak a chuak tiah theih a si.
Nizaan zinglei sml 6:30 hrawng in thok in chun sml 12 tiang kahdohnak a chuak i hmai tonh in kahdoh ruang ah SAC ralkap 7 leng an thi i bomb puah hnawhnak zong in hliam a hmu mi an um tiah Vakok-CNDF phu i tuanvo ngeitu pakhat nih a chim.
“A hmun hi kan mah hmun a si caah thathnemnak tam pi a um.SAC ralkap pawl sianginn in an rak chuah cu kan nih nih tikhamnak tlang in kan hngah hna i kan dah hna caah a thi mi hi an tam.Hnu kan kir sml 2 a roh tiang an ruak hi an rak la rih hna lo.A tu lio kahdohnak hi a tu le atute a chuah caah kan phu nih meithel kuan pawl hi kan herh tiah a chim.
Nizaan kahdohnak ah Vakok-CNDF,KKG-CDF,Kalay-PDF,ပကဖ, RKDF phu pawl i fonh in an doh hna.
Zei tik caan poh ah kahdohnak a chuak kawh caah mipi lei zong in Kalay tlanglei lam cu kal rih hlah uh tiah mipi vengtu phu nih nawlphiarnak an tuah.(Crd.The Irrawaddy-Burmese Edition)
