Kalay – PDF Medical Team Nu 9 Cu Kum 12 Thongthlak Ding In Bia An Khiah.
=======================================================
November 29, 2022
Kalay hrambunh PDF Medical Team nu 9 cu sagaing ramthen, Kalay thonginn bia ceih zung nih October thla chung ah kum 12 thongthlak ding in bia an khiah tiah thonginn hen naihniam mi sin in theih asi.
Pohmah 505 (A) pohmah hen taza an cuai hna tiah theih a si.Cu pohmah pawl hen minung pakhat kum 12 thongthlak ding ni bia an khaih “tiah Kalay thonginn hen niahniam mi nih an chim.
A luancia 2021 November 16 Kalay peng Nithlak lei um PDF sakhaan pakhat cu SAC Ralkap nih an luh hnawh hna ii kum 20 in 28 kar nu 9 cu an rak tlaih hna.
Cu Nu 9 cu SAC ralkap nih uknak an lak hnu in Kalay – PDF phu ah Sii lei ralkap in rian an tuan tiah PDF – Kalay nih an feh ter.A tu ah an ngam a dam ii chungkhar pawl cu kalay security ruang ah thonginn cakuat a har tiah chungkhar pakhat nih achim.
2022 November 16 ah Kalay hnu lei um PDF Sakhaan cu SAC Ralkap nih an luh hnawh hna ii 3 an nunnak a liam ii 9 cu an tlaih hna.
2021 Febuary 1 SAC Ralkap nih uknak an lak thok in ramchung mi cu uknak nan doh tiah sual an phawt hna ii an tlaih lengmang hna tiah theih asi.(Ced.Zalen)
