Kahtya (ကသာ) Ah SAC Ralhrang Hna Cu Bomb Puahhnawh An Tong, Ralhrang 5 An Thi
Kahtya peng chungah raldohnak tuah dingin a cawlcangmi SAC ralhrang hna cu Pyantyi (ပန်းသေး) khuachung ah bomb puahhnawh an ton ruangah ralhrang 5 tluk an thi tiah thawngtheih asi.
Kahtya khuapi in kahdohnak tuah dingah ke in a rak kaimi SAC ralhrang Khah-Mah-Yiah 418 hna cu KIA fonhmi phu nih an rak kahdoh hna tiah thawngpang fehter in The 74 Media ah an chim.
Brigate 88 kuttang ummi Khah-Mah-Yiah 418 phu hna cu Kahtya khuapi in an rak chuak timi thawngpang kan theih ruangah Kahtya pengkomh battalion 1, le Kahtya mipi vengtu ပကဖ phu hnahe i fonhin bomb in an rak puahhnawh hna caah ralhrang 5 an thi colh tiah an chim.
Kahdohnak a chuah lio ah Kahtya khuapi chung ummi ke ralkap Khah-Mah-Yiah 309 phu nih hriamngan lawng tein voi 40 lengkai an puah tiah an chim.
Kahtya khuapi ah nizaan zinglei caan suimilam 4:00 hrawng zongah khan bomb puah thawng voihnih (2) kan theih tiah an chim.
Sagaing ramthen Kahtya peng chungah Nov 17 ah SAC ralhrang a kalmi hna cu KIA le PDF hna i fonhin lampi in an rak kah hna caah SAC ralhrang 3 an thi tiah theih a si.
Ref: The 74 Media
