Kahdohnak thawng cathanh Chin National Organization nih an chuah
2022 July 11 in thawk in thlanglei Kalay ah SAC ralkap le CNDF, PDF Kalay,CDF-KKG,RKDF, UGF Kalay le ပ.က.ဖ phu fonh kar ah nithum chung kahdohnak a fak.
July 11 zing Yan Gyi Aung lei rallamsial ah a ra mi SAC ralkap thazaang 120 hrawng cu Hkway Kar Taung(ခွေးခါးတောင်) in an rak tum i Hakhalay khua chung an luh chun 12:13 ah mipi vengtu phu he kahdohnak a chuak.Kahdohnak chung ah CNDF lei 1 a nunnak a liam.
Cu rallamsial cu Hakhalay khua chung um phungki umnak inn ah hmunhma an la i July 12 zing ah thlanglei Hakhalay in chaklei Si Thar khua lei ah an kal i Si Thar tlang tang lei um tar zoh khenhnak kar ah mipi vengtu phu he kahdohnak a fak.
July 13 zinglei ah nitlak lei Si Thar tar zoh khenhnak ah zaankhat a um mi SAC ralkap cu Htauk Kyan khua an phak ah CNDF le tantiphu pawl nih bom,hriamngan he hriamhme he kan kah hna caah kahdohnak a fak.SAC ralkap lei nih an kah mi ruang ah nu pakhat hliam a hmu i PDF-Kalay in 1 a nunnak a liam.Nithum chung kahdohnak ah SAC ralkap lei in 40 leng an thi,tam hliam an hmu tiah Chin National Organization nih cathanh an chuah.
