Kachin,Selzin khua cu SAC ralkap nih vanlawng in an kah hna
Kachin ramkulh,Hpakant peng,Selzin khua cu SAC ralkap nih tuni August 9 zing sml 10 hrawng ah vanlawng in an kah tiah khuami pakhat nih a chim.Mah hnu in zaanlei sang tiang kahdohnak a chuak tiah theih a si.
Nizaan August 8 ah KIA le PDF tantiphu nih cu Selzin khua pawng ah a um mi SAC ralkap sakhaan le SNA ralkap sakhaan cu an lak ruang ah a tu ban tuk in vanlawng in kahnak an tuah hi a si.
“Thilri chiahnak kudawng pakhat le a dang kudawng pakhat cu mei a kang.Khuami pawl hi nizaan tein vanlawng in a kan kah sual lai tiah an thin phan caah phungki umnak inn ah an va i dor.Tuni cu an rak kah tak cang” tiah khuami pakhat nih a chim.
Nizaan ah an lak mi SNA ralkap sakhaan cu Sagaing ramthen le Kachin ramri Shwe Pyi Myint hri hlei pawng sakhaan a si.
Hpakant peng,Selzin khua ah KIA le SAC ralkap kar July 16 in thok in nili chung kahdohnak a chuak.
Nizaan ah a voi hnihnak kahdohnak a chuak i a tu ban tuk in sakhaan an lak tiah theih a si.A tu si ning he peh tlaih in SAC lei nih tuni zaanlei tiang cathanhnak zei hmanh an tuah rih lo.(Crd.BBC Burmese)
