Journalists Tlaih/ Thongthlak Tam Bik China(Tuluk) Changtu Myanmar
Kawl ralhrang nih uknak an lak kumkhat chung ah Myanmar ram chung ah Media zalonnak faktuk in a ttumchuk i Vawleicung ram vialte ah Media zalonnak a tlawm bik chang ah ai chuah tiah France ram hrambunh Media simi RSF nih Ralhrang nih uknak lak kumkhat tlin ni ah a thanh.
Mizapi a tomtom in an thahnawn mi hna thuhnawh nak ding ah Journalist pawl an tlaih hna, Thong an thlak hna, an hrem hna i an thah hna pin ah an nehnang tiang in an hlohmi hna zong an um tiah rampi uknak chuh a ton kumkhat camtuak ni ah RSF nihcun a thanh. Kan hnu kum December thla chung ah Yangon khua ah humhimnak a latu nih an tlaih hnu ah a nunnak liam mi Photographer Ko Soe Naing, Myawaddi pengkomh, Laykehkaw hmun ah ralhrang kuan nih a lu ah a khen caah a nunnak liammi Federal Journal i Editor Sai Win Aung le Khohnumthung (Chin Media) rianttuan mi Pu Tuidim hna cu ralhrang nih an thah hna.
Cun faktuk in hrem mi Journalist 7 an si i,tlaih a tongmi 115 an si, Cu chung ah minung 14 cu biaceih le sual phawt ansi. Tutiang ah thlah rih lomi Journalists 57 an um rih caah Vawleicung ah China( Tuluk) khawh in Journalists tlaih tambik 2nak ah a dir.
Ralhrang nih uknak an lak hnu in Media License a chuhmi hna Media 12 an si .
#VOA
