Japan vuanzi hlun nganbik Mr.Shinzo Abe meithel in an kah
Vuanzi hlun nganbik Mr.Shinzo Abe cu tuni July 8,zinglei ah Japan ram,Nara peng ah an tuah mi ram phungphai kong puai pakhat ah a kai i bia a chim lio ah a tang ah meithel in an kah , a mah le a mah i thei lo in a um tiah Japan thawngzamh tu NHK le local media pawl nih an langhter.
Kum 67 asi mi vuanzi hlun nganbik Mr.Shinzo Abe tang ah meithel an kah i mah a cannak hmun pawng ah mino pa pakhat an tleih tiah NHK pakhat nih a chim.Cu kahnak asi le cang ka in Mr.Abe cu siizung ah an kal pi colh i a nunnak caah thinphang ngai a si tiah Kyodo news nih a langhter.
Mr.Shinzo Abe hi a luancia 2020 ah khan amah pum damlonak ruangah vuanzi rian in a rak i din mi a si.Mah kong ah Japan mipi sin zawng ah ngeihthiam a rak hal hna.Mr.Shinzo Abe hi pawlei damlonak kum sau a rak ing cang mi asi.
Zei ruang ah dah hi kahnak hi a um ti cu a fiang in theih a si rih lo.Mr.Shinzo Abe hi Japan vuanzi ngan bik hna chung ah kum sau bik a tuan tu zong a si.Japan ram hi meithel tleihnak lei phung a rengh ngai mi le tu bantuk kahnak a can a har ngaimi ram a si.(Crd.BBC Burmese)
